Meute Kondor

Willkomme bi de Meute Kondor

Mir sind die tollsti Meute vo dene Drü. Kondor rockt eifach, will mir hend die beste Leiter und mir gwünned jedes Spiel. Jede Samstig träffed mir eus zunere spannende und luschtige Üebig. Mir erlebend immer es spannends Abentür und egal ob Pirat oder Märliprinzessin mir helfed allne wo eusi Hilf bruchend. I de Spieli gege die andere gwünnemer immer und bis jetzt isch no nie en Schatz oder Priis vor eus sicher gsi. Egal ob mit em Detektiv Gheimschrifte löse oder mit de Matrosemanschaft e Seilbrugg z’baue, eus isch nie e Challenge z’gross.

-Foti a eusem tolle Meuteplatz

Meistens hemmer mit de anderne zwei Meutene Üebige, doch einmal im Quartal gönd mir an euse Meuteplatz im Wald. Euse Meuteplatz isch guet versteckt irgendswo i de tüüfe zürcher Wälder und es isch obersti Priorität das er gheim bliibt. Nur Lüüt vo de Meute derfend de Ort kenne!

Also wenn au du de gheimi Ort entdecke willsch, freued mir eus jederziit über neui Kind und nehmed all herzlich uf.

Euses Best

      Hathi & Dodo     

Euse Meuteruef:

,,Kondor Kondor Kondoro,

Wölf im Dschungel,

Gueti Jagd!“