Fähnli Kobra

Kobra het en ehrwürdige Stammbaum vorzwiise: Als Nachkomme vode weltumschlüssende Midgardschlange und Hauptakteure i zahlriche Gschichte und Sage, spieled sie scho sit Urziite e wichitigi Rolle i im Weltgschehe. Nöd nur immer zum Vorteil vo ihrne Rivale: de schadefreudigi Humor vo de Kobras zeichnet sich scho bi Adam und Eva ab.

Konkurrent Nummer eis isch sit jeher s Fähnli Biber, wo us Niid uf s Asehe vode Kobras scho lang versuecht, ihne de Ruhm abzjage. Trotzdem isch Kobra langi Ziit de eidütigi Sieger gsi und isch ide Antike vode Ägypter abetet worde. Sie hend ide Weltgschicht chräftig mitgmischlet und sich am Gschehe beteiligt: Segs in Rittergschichte als Lindwürm und Basiliske oder wiitlüüchtends Sternbild für Seefahrer uf Irrfahrte (Odysseus). Ihri Tänz hend Jahrhunderte lang de ganzi Orient bezirzt und ide Neuzit unterem Pseudonym Arbok als Mitglied vom Team Rocket e ganzi Generation mitgformt.

Sitem Mittelalter bewohnt Kobra als Adelsgschlecht s Huus zur Schlange, het jedoch bis vor churzem gege Biber einigi Niederlage istecke müesse. Sit em letschte Jahr het s Fähnli jedoch wieder neue Zuewachs chönne verzeichne und isch gwappnet zum sini Position z festige und wieder d Macht ufem Olymp z übernäh.

Denn wisset: Lukka lakka lezz
s Fähnli Kobra isch de Fetz!

Allzeit bereit!